>>Saytın köhnə xəbər və görünüşü << >>Bizimlə əlaqə<<
Son Xəbərlər

“Bu il çox hərarətli olacaq” - Emin Ağalarov

“Bu il çox hərarətli olacaq” - Emin Ağalarov
““Jara-2018” Beynəlxalq Musiqi Festivalı ilə bağlı hazırlıq işləri sürətlə aparılır. Hazırda qəfil küləkdən müdafiə məqsədilə montaj işləri görülür. İştirakçıların sayına gəldikdə, demək olar, Rusiya estradasının bütün ulduzları Bakıya toplaşacaq”.
“Qafqazinfo” xəbər verir ki, bunu jurnalistlərə açıqlamasında festivalın təşkilatçılarından biri, tanınmış müğənni və bəstəkar Emin Ağalarov deyib.
O deyib ki, festivala təxminən 1000 nəfər musiqiçi gələcək, çünki hər bir artist öz kollektivinin müşayiətilə çıxış edəcək.

Festivalın proqramı haqqında məlumat verən Emin diqqətə çatdırıb ki, builki “Jara”da üç yubiley konserti olacaq - Valeriya, Vladimir Presnyakov və Leonid Aqutinin yubiley gecələri keçiriləcək. Habelə Lyubov Uspenskayanın yaradıcılıq gecəsi olacaq. Yuri Antonovun da yaradıcılıq gecəsi gözlənilir. Hələ ki o, iştirakını şifahi təsdiqləyib. Eləcə də 55 yaşı tamam olan Valeri Meladze öz kollektivi ilə çıxış edəcək.
“Zənnimcə, Bakıda keçiriləcək III “Jara” daha hərarətli olacaq. Birinci “Jara” bir növ sınaq olsa da, Rusiyanın Birinci Kanalında reytinq baxımından çox yüksək nəticə göstərdi.
Qeyd edək ki, iyulun 26-dan 29-dək “Sea Breeze Resort” istirahət mərkəzində keçiriləcək festivalın açılış mərasimində Monatik, Qriqori Leps, Ani Lorak, LOBODA, EMİN, A`Studio, Dima Bilan, Sergey Lazarev, Qlyuk’oza, Qradusı, NYUSHA, Nastya Kamenskix, Slava, Aleksey Çumakov, Artik & Asti, Black Star, Timati, Yeqor Krid, Mot, Xanna, Mişa Marvin və digər məşhur musiqiçilərin iştirakı ilə qala-konsert olacaq.