>>Saytın köhnə xəbər və görünüşü << >>Bizimlə əlaqə<<
Son Xəbərlər

“Eyyubu efirə çıxartdığıma görə mənə erməni deyirdilər” — Kamran Həsənli

“Eyyubu efirə çıxartdığıma görə mənə erməni deyirdilər” — Kamran Həsənli
Teleaparıcı Kamran Həsənli əməkdar artisti ilk dəfə efirə çıxarmasından danışıb.
Bu barədə “Onda başladıq” verilişində danışan Həsənli, hətta Yaqubovu efirə dəvət etdiyinə görə təhqir edildiyini söyləyib:
“Eyyub Yaqubovu ilk dəfə efirə dəvət edəndən sonra qəzetlər mənim erməni olduğumu yazırdılar. Hətta iş o həddə çatdı ki, telekanaldan mənə Eyyubu bir daha efirə dəvət etməmək tapşırıldı. Rəhbərliyə dedim ki, biz onu efirə çıxartmalıyıq ki, gənclik onun ardınca düşsün. Amma yenə də qadağa qoydular”.
K.Həsənli bildirib ki, bu qadağadan sonra Yaqubovu efirə dəvət etmək üçün fənd fikirləşib:
“Filarmoniyanın yanındakı “Vahid” poeziya evindəki çayxanaya getdim. Gördüm ki, Əlibaba Məmmədov və Habil Əliyev çay içirlər. Gəlib salamlaşdım və hər ikisini efirə dəvət etdim, razılaşdılar. Dedim ki, bir oxuyan da dəvət edəcəyəm, etiraz etdilər. Dedim ki, Eyyub pis oxusa, canlı efirdə mənə deyərsiniz ki, yekə kişisən, bu nə oxuyandı? Habil Əliyev dedi ki, pis oxusa, deyəcəyəm ha.
Beləliklə, risk edərək Eyyubu efirə çıxardım. Həmin verilişdə Eyyub Elçin İmanovun iki, Əlibaba Məmmədovun bir mahnısını oxudu. Soruşdum ki, necədir? Əlibaba Məmmədov dedi ki, oxuyan elə budur da. Dedi, hətta mənim ansamblımda işləyib. Kameraya yaxınlaşıb dedim ki, Eyyubun yaxşı oxuduğunu Kamran demir, Əlibaba Məmmədov, Habil Əliyev deyir.
Ondan sonra qəzetlər mənim əleyhimə yazmağı dayandırdılar”.
//Olke.az