>>Saytın köhnə xəbər və görünüşü << >>Bizimlə əlaqə<<
Son Xəbərlər

ABŞ göstərdi: gələcəyin müharibəsi - Video

ABŞ göstərdi: gələcəyin müharibəsi - Video
ABŞ Hərbi Hava Qüvvələrinin laboratoriyası (AFRL) yaxın gələcəkdə gözlənilən aviamüharibələrlə bağlı video yayımlayıb.

Axar.az xəbər verir ki, “Hərbi Hava Qüvvələri 2030 - Əməliyyat çağırışı” adlı videoda AFRL araşdırmalarının qısa tarixçəsi açıqlanır və milli təhlükəsizliyin qorunması üçün araşdırmaların davam etdirilməsinin vacibliyi qeyd edilir.

Videoda göstərilir ki, aviasavaşlar zamanı ABŞ qüvvələri bir mərkəzdən koordinasiya olunur və bundan sonra onlar Yer kürəsinin müxtəlif bölgələrinə yerləşdirilir.

Məlumata görə, 2030-cu ilə qədər ABŞ F-35-lərin pilotsuz idarə edilməsi üçün onları elektron sistemlərlə təchiz etməyi düşünür.

Həmçinin laboratoriya sözügedən videoda F-35-lərin düşmən ərazisinə bir neçə bomba atdığını və bir PUA-nın düşmən tərəfindən vurulduğunu nümayiş etdirir.

2030-cu ilə qədər pilotların ürək döyüntüsü, təzyiq, hərarətinin müəyyən edilməsi üçün “smart” sensorların da F-35-lərə yerləşdirilməsi nəzərdə tutulub.

Bundan əlavə, video-çarxda dronlardan ayrılan robotun hərbi təyyarədən bombalar atdığı görünür.

Sonda isə lazer şüası olan ABŞ təyyarəsi düşmənin uçuş aparatını məhv edir.