>>Saytın köhnə xəbər və görünüşü << >>Bizimlə əlaqə<<
Son Xəbərlər

Əli İnsanov və İlqar Məmmədovlabağlı qərar nə olacaq?

Əli İnsanov və İlqar Məmmədovlabağlı qərar nə olacaq?
Toğrul Babayev: “İyun ayından Əli İnsanov şikayət verib, lakin...”

Noyabrın 14-də sabiq səhiyyə naziri Əli İnsanovun Ali Məhkəmədə hökmdən verdiyi kassasiya şikayətinə baxılıb. Hakim Fərhad Kərimovun sədrliyi ilə keçirilən iclasda sabiq nazir özünün istəyi ilə iştirak etməyib.

Dövlət ittihamçısı Rizvan Şəmmədov vəsatət qaldırıb. O, icraatında çox iş olduğunu, cinayət materialları ilə tanış olmadığını bildirib. Dövlət ittihamçısının vəsatəti təmin edilib. Məhkəmə prosesi qeyri-müəyyən günədək təxirə salınıb.

Sabiq nazirin digər vəkili Toğrul Babayev “Yeni Müsavat”a bunları dedi: “Məhkəmə dövlət ittihamçısının xahişi əsasında onun vəsatətini təmin etdi. Müdafiə tərəfi olaraq buna etiraz edib bildirdik ki, cinayət işi materialları dedikdə çox da böyük həcmli cinayət işi yoxdur. Etirazlarımıza baxmayaraq, məhkəmə prosesini təxirə saldı. Biz növbəti məhkəmə prosesinin vaxtı ilə bağlı iştirakçılara məlumat verilməməsinə də etiraz etdik. Lakin məhkəməyə sədrik edən bildirdi ki, tərəflərə məhkəmə barədə bildirişlər göndəriləcək. Avropa Konvensiyasının tələblərində göstərilir ki, hər hansı bir işə ağlabatan müddətdə baxılmalıdır. İyun ayından Əli İnsanov şikayət verib, lakin bu vaxta qədər bu işə hələ də baxılmır. İşin dərinliyini bilmədiyim üçün prosesin nə üçün qeyri-müəyyən müddətə təxirə salınması ilə bağlı nəsə deyə bilmərəm. Sadəcə, onu bildirə bilərik ki, bu, düzgün deyil”.

Əli İnsanov və İlqar Məmmədovlabağlı qərar nə olacaq?
Noyabrın 16-da Avropa İnsan Hüquqları Məhkəməsi REAL hərəkatının həbsdəki sədri İlqar Məmmədovun ikinci ərizəsi üzrə qərarını elan edəcək. İkinci ərizə cinayət işinə baxan Şəki Ağır Cinayətlər və Apelyasiya məhkəmələrində, Ali Məhkəmədə İlqar Məmmədovun hüquqlarının pozulması ilə bağlıdır.

Qeyd edək ki, Avropa Şurası Nazirlər Komitəsinin İ.Məmmədovla bağlı Azərbaycan hakimiyyətinə verdiyi möhlət bu ayın 29-da bitir. Həmin vaxta qədər vicdan məhbusu ilə bağlı məsələ həllini tapmasa, Nazirlər Komitəsi dekabrın 5-də Avropa İnsan Haqları Məhkəməsinə müraciət edəcək. Burada isə Azərbaycanın Avropa Şurasından çıxarılması məsələsi bir daha gündəmə gələ bilər.

REAL-ın idarə heyətinin üzvü Azər Qasımlı ayın sonuna qədər gözləntilərinin olduğunu söylədi: “Gözləntilərimiz ciddidir, həqiqətən də noyabrın 29-na qədər İlqar Məmmədov azadlığa çıxa bilər. Avropa Şurası Nazirlər Komitəsinin sonuncu qərar ondan ibarətdir ki, dekabrın 5-nə qədər İlqar Məmmədov azad olunmasa, Azərbaycanın Avropa Şurasından çıxarılması məsələsi Avropa İnsan Haqları Məhkəməsinə göndəriləcək, sonra da məhkəmənin qərarı gözləniləcək. Noyabrın 16-da qərar verəcək Avropa İnsan Haqları Məhkəməsinə Nazirlər Komitəsinin müraciətini nəzərə alsaq, qurumun Azərbaycanla bağlı verə biləcəyi qərar tezləşə bilər”.