>>Saytın köhnə xəbər və görünüşü << >>Bizimlə əlaqə<<
Son Xəbərlər

Deputat oğlunun şəriki niyə Azərbaycana ekstradisiya olunmur? - İDDİA

Deputat oğlunun şəriki niyə Azərbaycana ekstradisiya olunmur? - İDDİA
Xeyli müddətdir mediada millət vəkili Elmira Axundovanın oğlu Həbib Axundovun ətrafında baş verən olaylar səngimək bilmir. Bunlardan sonuncusu Həbib Axundovun sosial medianı çox pis şəkildə tənqir etməsi oldu. Bu günkü mövzumuz isə tamam başqadır.

Nəzərinizə çatdıraq ki, deputat oğlu və onun şəriki tərəfindən aldadıldığını iddia edən bir qrup şəxs redaksiyamıza müraciət edərək bəzi məsələləri işıqlandırmağımızı bizdən xahiş ediblər və bir jurnalıst olaraq biz də çətin durumda olan bu şəxslərin problemlərinə biganə qalmamağı özümüzə borc bilirik.
Zərərçəkmişlər bildirirlər: “Millət vəkilinin oğlunun şəriki və yaxın ailə dostu, İnterpol xətti ilə axtarışda olan İbrahimov Elnur Rauf oğlu 2016-cı il noyabrın 22-də Rusiya Federasiyasının Moskava şəhərində həbs olunmuşdur. Onun İnterpol xətti ilə axtarışa verilməsi üçün 2 il bütün qapıları döydük, saatlarla hüquq-mühafizə orqanlarının rəhbər şəxslərinin qəbuluna düşmək üçün qapılarda gözlədik, Elnuru görünməyən gizli qüvvələrin himayə etməsinə baxmayaraq sonda onun həbsinə nail olduq. Təsəvvür edirsiniz, birinə 3-5 min pul “atan”ı dərhal həbs edirlər, ya pulu ödəyir, ya da həbs olunur. Biz isə onlarla adama milyonlarla manat dələduzluq edən bu şəxsi həbs etdirmək üçün illərlə polis, prokurorluq orqanlarında döymədiyimiz qapı qalmayıb. Atası Bakı Metrpolitenində elektrik, anası isə orta məktəb müəlliməsi işləyən birinin bu qədər şəxslərə qarşı külli miqdarda pul “ataraq” əlini qolunu sallayaraq gəzməsi bu işdə güclü qüvvələrin maraqlı olmasından xəbər verir. Bəli, Elnur İbrahimov həbs olundu, lakin artıq 1 ilə yaxındır ki, Azərbaycana ekstradisiya olunmur”.
Bir jurnalist kimi, biz də bunu araşdırmağa calışdıq. Zərərçəkənlərlə bu barədə söhbət əsnasında onlar bildirdilər ki, hələ 2013-cü ildə pullarımızı mənimsəyəndən sonra Elnura dedik ki, bu işi kimlə etdiyini bizə denən və biz də sənə yardım edərik və sənə “krişalıq” edən şəxslərin həbsinə nail olacağıq. Onsuz da onlar səni istifadə ediblər və sənin həyatın risk altındadır, izi itirmək üçün hər addımı ata bilərlər. Elnur isə cavabında belə dedi: “Siz narahat olmayın, mən uşaq deyiləm, həyatımı sığortalamışam, mənə heç nə edə bilməzlər”.
Bir araşdırmaçı jurnalıst kimi həyat təcrübəmə əsalanaraq Elnurun son sözünün çox dərin mənası olduğunu anladım. Elnur həyatını necə sığortalaya bilər ? Axı ucu-buçağı olmayan Rusiyada Elnur İbrahimovu zərərsizləşdirmək iki vur ikiyə bərabərdir. Elnur aradan götürülsə, artıq bu məsələlər demək olar ki tarixə gömüləcək. Deməli Elnur İbrahimovun əlində onu himayə edən və bu cinayətkar piramida oyununa rəhbərlik edən şəxs və yaxud şəxslərə qarşı çox güclü kompramatlar var. (video görüntülər, səs yazıları və sairə). Bunu zərərçəkən şəxslər də mənimlə söhbətimdə bir növ isbat etmiş oldular. Onlar bildirirlər ki, Elnur İbrahimov demək olar ki, nəinki bütün hadisələri, hətta az qala bütün həyatını lentə alıbdır. Onun işlətdiyi obyektlərin, hətta evinin qarşısında, balkonunun altında belə gizli kameralar var idi. Biz bunu sonradan bildik. Bir dəfə pullarımızı tələb etmək üçün Elnurun evinə getdik. Ona görə ki, Elnur bizim zənglərə cavab vermirdi. Bloklarının ağzına catanda o bizə zəng edərək bildirdi ki, evdəkiləri narahat etməyin gəlin görüşək. Bizim dayandığımız yeri, kimlər olduğumuzu adbaad dedi və hal hazırda mobil telefonla bizi izlədiyini bildirdi.
Belə bir şəxsin əlində dövlət postunda oturan və onu himayə edənlərə qarşı kompromatların olmamasını düşünmək sadəlövlük olardı. Məhz Elnurun Azərbaycana gətirilərək həbs olunacağı təqdirdə bütün kartları açacağı istisna deyildir.
Sonda zərərçəkən şəxlər onu da bildirdilər ki, illərdir Elnurun həbs olunaraq Azərbaycana gətirilməsi üçün əlimizdən gələni etsək də, nədənsə özünün də dələduzluğa məruz qaldığını iddia edən və Bakı Baş Polis İdarəsində zərərçəkən şəxs qismində tanınnan Millət vəkili Elmira Axundovanın oğlu Həbib Axundov bu istiqamətdə heç bir iş görmür, əksinə anası ilə birlikdə bizləri məhkəmələrə verərərk yüksək məbləğlərlə cərimə etdirməyə çalışır.
NUH.az