>>Saytın köhnə xəbər və görünüşü << >>Bizimlə əlaqə<<
Son Xəbərlər

“Başqa iş üçün getmişdik” - Dostlar birləşib tanışının evini yardı

“Başqa iş üçün getmişdik” - Dostlar birləşib tanışının evini yardı
Quldurluq hadisəsi Yasamal rayon Zərdabi prospekti ev 41, mənzil 91 ünvanında qeydə alınıb.

ARB TV xəbər verir ki, sözü gedən ünvanda yaşayan Elmir Hümbətzadənin tanışları Nahid Eyvazov və Elman Saqıqov mənzilə girərək ona zor tətbiq ediblər.

Silah qismində qaz tapançası və bıçaqdan istifadə edən dostlar, Elmirə ağır bədən xəsarətləri yetiriblər. Daha sonra isə evdən 450 manat nəğd pul və 5 ədəd notbuk, xeyli sayda mobil telefon, modemlər, fen və digər avadanlıqlar götürüblər.

Saxlanılaraq istintaqa təhvil verilən şəxslər isə hadisəni necə və niyə etdiklərini xatırlamırlar.

Saxlanılan şəxs: "Yadımda deyil. İçkili olmuşam".

Saxlanılan şəxs: "O məqsədlə getməmişdik. Başqa iş üçün getmişdik. Üstümüzə silah çəkiblər, biz də etmişik".

Saxlanılan şəxslərin hər ikisi əvvəllər cinayət məcəlləsinin qəsdən adam öldürmə maddəsi ilə təqsirli bilinərək məhkum olunublar. Dostluqları da elə həbsxanada başlayıb.

Faktla bağlı Yasamal Rayon Polis idarəsində cinayət işi başlanılıb, araşdırmalar aparılır.